Die rugbyklub Young Gardens se 75ste bestaansjaarvieringe duur voort met sy winterbal op Saterdag 17 Junie in die Paarlse stadsaal.
Die Kaapse orkes Cool Sounds gaan die musiek maak en die deure open om 18:00. Kaartjies word verkoop teen slegs R170 en gaste kan hul eie eet- en drinkgoed saambring.
Die kleredragkode vir mans is ’n swart aandpak en vir vroue ’n elegante aandrok.
Cool Sounds Band is in 1996 gestig deur Carl (China) van Rensburg en sy vrou, Nora.
Die groep bestaan tans uit ses lede, Ronald Jones (voorsanger), John Bekkies (klawerbord), Carl (China) van Rensburg (leier, tromspeler en sanger), Errol Davids (saxofoon), Andre Webb (baskitaar), en Nazeem Woods (kitaar).
Cool Sounds het al ’n paar CD’s uitgereik en hul musiek kan gereeld op Radio Sonder Grense (RSG), Catch The Wave en ander radiostasies gehoor word.
Van hul opnames sluit in Boure, Cool Sounds 4 U, Smooth Ballroom with Cool Sounds en Stormers Wave.
Kaartjies is beskikbaar by Mario Williams (082 380 2680) en Ivor van Schoor (082 432 2966).
