Huis Andrew Murray (HAM) het weer vanjaar sy Kersfees in Julie-skoendoosprojek.
HAM sorg daagliks vir 150 sorgbehoewende kinders wat óf wees gelaat is óf wat deur die kinderhof uit hul ouers se sorg verwyder is. Om ten volle aan die kinders se emosionele, fisieke, intellektuele en geestelike behoeftes te kan voorsien, is die kinderhuis genoodsaak om hulp van die gemeenskap te vra.
Die wenslys vir die skoendoosprojek kan by 021 873 3834/5 of per e-pos na bemarking@andrewmurray.org.za aangevra word.
Alle items moet nuut wees. Die skoendose kan voor of op 25 Julie by HAM se kantoor afgelewer word.
