Die voetoorgang oorkant die Paarl-polisiekantoor is baie vaag, en dit kan moontlik ongelukke veroorsaak.
As ’n oud-Paarliet weet ek dat ek daar moet stop, veral soggens rondom 08:00, wanneer mense die landdroshof besoek en gewoonlik van die parkeerterrein oorkant die polisiekantoor gebruik maak en die pad oorsteek deur die voetoorgang te gebruik.
Smiddae tussen 16:00 en 17:00 wanneer mense ná werk huis toe gaan, is ook ’n tyd wat die sebrastrepe besig is.
Ek het al gesien hoe motoriste – meestal van die Kaap of ander plekke – die voetoorgang seker miskyk omdat die verf redelik vaag is, en ’n voetganger se lewe in gevaar stel.
Die munisipaliteit moet die voetoorgang oorverf voordat ’n ernstige ongeluk plaasvind.
