Die Universiteit Stellenbosch se Sentrum vir Voorgraadse Beurse en Lenings (SVBL) het die sluitingsdatum vir 2023 US-finansieringsaansoeke tot 30 November verleng sodat meer studente die geleentheid het om vir finansiële ondersteuning aansoek te doen.
Aansoeke vir US-finansiering het op 1 Julie geopen.
’n Beurs kan ’n universiteitsopleiding bekostigbaar maak. Huidige en voornemende voorgraadse studente kwalifiseer vir US- finansiële ondersteuning op grond van twee hoofkriteria: finansiële behoefte en akademiese meriete. Studente wat finansiële ondersteuning ontvang, kry dit in direkte verhouding tot die omvang van hul finansiële behoefte, ongeag ras en geslag. Finansiële behoefte word bepaal deur die inligting wat die student indien oor sy of haar finansiële omstandighede en word deur ’n derde party geverifieer.
Die US het ’n nuwe aanlyn aansoekproses, en studentetoegang tot die nuwe veilige, eksterne webwerf word verkry deur hul unieke agtsyfer- US# (studentenommer) en wagwoord te gebruik.
Die SVBL beveel sterk aan dat studente eers die hoe-om-aansoek-te-doen-aanwysings deeglik lees en die vereiste dokumente gereed kry voordat hulle deur die my.sun-portaal aansoek doen. Die aanlyn vorm neem sowat twintig minute om te voltooi.
Alle voornemende en huidige voorgraadse studente word aangemoedig om aansoek of heraansoek te doen.
Op hierdie manier word hulle op die SVBL-databank vir 2023-toekennings geregistreer en is hul inligting daar indien hul finansiële omstandighede onverwags verander.
Skakel met Petro Mostert by petromostert@sun.ac.za, 0823346193 vir meer inligting.. Stellenbosch University’s Centre for Undergraduate Scholarships and Loans has extended the closing date for 2023 SU funding applications to 30 November to allow more students the opportunity to apply for financial support.
