Die Drakenstein-munisipaliteit het Maandag (29 April) ’n speelpark vir kleuters – enig van sy soort – in Wellington geopen. Die park is in Mintoorstraat in dié dorp geleë. Die park staan bekend as die Happy Toddlers-speelpark, sê die munisipaliteit. Die speelpark poog om ’n veilige omgewing vir kinders te bied, waar hulle hulself kan geniet. Dit bied ook ’n verskeidenheid dienste, soos ’n sopkombuis en gratis rekenaarklasse vir lede van die gemeenskap. Die nuwe speelgrond beskik oor ’n klimraam, verkeersbewustheidsbaan en hindernisbaan, terwyl die speelgrondtoerusting as ’n opvoedkundige hulpmiddel dien om motoriese en sensoriese vaardighede by jong leerders te verbeter.Foto: Drakenstein-munisipaliteit
