Die Hoër Jongenskool Paarl – in die volksmond bekend as Boishaai – het Donderdag 6 Oktober sy eerste Noord-Suid-Top14-atletiekbyeenkoms in die Paarl aangebied, wat met trots deur C2M Chartered Accountants Inc geborg is.
Die noorde en suide is deur skole van oor Suid-Afrika heen verteenwoordig. Die skole wat die suide verteenwoordig het, was die Hoër Jongenskool Paarl; die Hoër Landbouskool Oakdale; Paul Roos Gimnasium; die Hoër Landbouskool Boland; die Hoërskool Gimnasium Paarl; die Hoërskool Stellenberg en die Hoërskool Fairmont.
Die skole wat die noorde verteenwoordig het, was die Hoërskool Zwartkop; Prestige College; die Hoërskool Randburg; Curro Hazeldean; die Hoërskool Waterkloof; Grey Kollege en Helpmekaar Kollege.
Die suidelike skole het in die byeenkoms koning gekraai met 18 012 punte teenoor die noordelike skole se 17 678 punte.
