Die Wellington-polisiekantoor se bevelvoerder, kol. Johan Barkhuizen, sê die gemeenskap, veral bejaardes, moet bewus wees van ’n toename in rooftogte in en om die Champagne-begraafplaas- gebied.
Hy sê hy wil individue en besigheidseienaars in die omgewing waarsku om waaksaam te wees wanneer hulle geld trek, saamdra, uitgee of salarisse uitbetaal.
“Ons wil individue en besigheidseienaars aanmoedig om eerder elektronies te werk te gaan.” Hy vra ook die gemeenskap se samewerking met polisiesektorbestuurders en sê inwoners moet te alle tye bewus wees van OTM-veiligheid.
Hy vra diegene wat so ’n rooftog gesien het om hul naaste polisiekantoor of Crime Stop by 08600 10111 of die Wellington-speurders by 021 864 9000 skakel.
