Sunfield Homes in Wellington, ’n tuiste vir volwassenes met intellektuele gestremdhede, skud behoorlik die vere vir Loslitdag reg.
Inwoners sal Dinsdag 27 Augustus by die Red Mountain Spur in Paarl Mall en Dinsdag 3 September by Pasadena Spur in Lady Greystraat, Paarl, van 18:00 tot 21:00 saam met hul prettige Loslit-gelukbringer, Able, as kelners optree.
Die gemeenskap word genooi om op hierdie dae ’n draai by Spur te maak om die tehuis te ondersteun en hul inwoners beter te leer ken.
Saterdag 31 Augustus word almal van 09:00-11:00 genooi vir ’n spesiale spin-sessie by Virgin Active in Paarl – ook ten bate van Sunfield.
Donderdag 5 September hou Sunfield ook ’n spoggerige mode-optog in Kerkstraat, Wellington, van 10:00 tot 12:00 om te wys hoe jy vir Loslitdag moet lyk.
Vrydag 6 September tree vyf musiekkunstenaars by Metropolitan Parc du Cap vir die bewusmaking van Loslitdag van 11:00 tot 14:00 op.
’n Potjiekoskompetisie word vir Vrydag 6 September beplan.. Bel Garine de Wet by 072 447 2576 vir verdere besonderhede oor al Sunfield se Loslitdag-doeninge en om Loslitdag-plakkertjies te koop.
