Die Groot Drakenstein-polisiekantoor doen ’n beroep op inwoners om na vore te kom indien hulle inligting het oor die volgende sake wat die kantoor ondersoek. Mense met inligting kan 021 874 8000 skakel.. Menslike oorskot, onder andere beendere, is op 13 Junie om 11:45 naby die Meerlust Bosbou- informele nedersetting buite Simondium gevind. Mense met inligting hieroor kan die kantoor skakel.. Iemand het op 12 Januarie 2023 op die Boschendal-wynlandgoed inmekaar gesak en is oorlede. Kontak die Groot Drakenstein-polisiekantoor.. Iemand is op 16 April 2023 om 01:30 in Katstertstraat, Lanquedoc, doodgery. Enigiemand met inligting oor die voertuig wat die oorlede getref het, kan die kantoor kontak.. ’n Pasiënt wat op die Watervliet-plaas in Simondium gewoon het, is op 15 Desember 2021 om 08:00 in die Paarl-hospitaal oorlede. Iemand wat die oorledene geken het, kan die kantoor kontak.. Iemand by Disastraat 335 in Lanquedoc het op 4 Julie 2019 gif gedrink. Mense met inligting oor die oorsprong van die gif kan na vore kom.. ’n Voetganger het op 5 Mei 2019 om 21:55 by Hoofstraat 25, Lanquedoc, inmekaar gesak en gesterf. Enigiemand met inligting oor die voorval kan die kantoor kontak.
