Die Paarliet Daniël Lötter is eersdaags aan die woord by die volgende byeenkoms van die Breytenbach-boekklub in Wellington.
Lötter sal oor sy nuutste boek, Dwars – Rare karakters onder ons, gesels. Dié boek het die afgelope tyd goeie resensies in die media ontvang.
Die praatjie word Woensdag 14 September om 19:00 by die Bôrdinghuis-teater by die Breytenbach-sentrum in Wellington gehou.
Hy het die afgelope paar jaar bekendheid verwerf as ’n bobaasverteller van ware Suid-Afrikaanse verhale met boeke soos 17 maal moord en Ware spookverhale van Suid-Afrika.
Die publiek is welkom om dit by te woon. Die koste beloop R50 en sluit verversings in.
Vir besprekings, kontak Jessica by 021 873 2786.
