Suid-Afrikaanse boerderye lewer ’n beduidende bydrae tot die nasionale ekonomie. Met die meeste van hierdie plase in familiebesit, bly die suksesvolle intergenerasie-opvolging van sulke besighede ’n uiters belangrike onderwerp.
Terwyl die hegtheid van ’n gesinstruktuur ongetwyfeld ’n deurslaggewende rol in die veerkragtigheid van Suid-Afrikaanse plase speel, kan ’n pa-en-seun- (of dogter!) span ook unieke kwessies ervaar as dit nie behoorlik verstaan en reg bestuur word nie.
Die onvermoë om bestuurs- en eienaarsopvolging van een geslag na die volgende te beplan en uit te voer, is een van die vernaamste redes waarom familieboerdery misluk. Navorsing deur PwC toon dat 85% van plaaslike familiebesighede nie ná die derde geslag sal oorleef nie.
Met dit in gedagte gaan Landbouweekblad sewe meesterklasse oor familieboerdery onder leiding van Theo Vorster van Galileo Capital oor Suid-Afrika heen aanbied.
Hierdie werksessies sal geskoei wees op die topverkoperboek Familieboerderye in Suid-Afrika, waar die ooreenkomste tussen van Suid-Afrika se voorste familieboerderye geïdentifiseer en bespreek word.
Terwyl familieondernemings merkwaardig suksesvolle sakemodelle bly as dit reg bestuur word, bly dit tragies wanneer ’n bate, wat oor geslagte opgebou is, tot niet gaan bloot omdat opvolging swak tot uitvoer gebring word.
KOM LEER OOR:
. Opvolgbeplanning en konflikbestuur;
. Doeltreffende besluitneming en rolverdeling;
. Besigheidsbestuur;
. Boedelbeplanning; en
. Besigheidsbeginsels om die suksesvolle oorgang van ’n familieboerdery na die volgende geslag te verseker.
Die Bolandse deel van die meesterklas vind op 26 Julie op Devonvale-gholflandgoed in Stellenbosch plaas.
Kaartjies: R1 400 (Sluit die topverkoper in Familieboerderye in Suid-Afrika) + Kry ’n jaar se intekening op Landbou.com.
Kry 10% afslag as jy twee kaartjies of meer koop. Gebruik die promosiekode FB2023.
Spaar ook as jy jou kaartjies vroeg koop.
Kaartjies is beskikbaar op Quicket of kontak events@landbou.com met enige navrae.
