Anuschké Solomon is die laerskole-maandwenner van Paarl Post se Sportster van die Jaar-kompetisie vir Maart. Dié gr. 5-leerder aan die Laerskool Drakenstein is ’n formidabele sportvrou in verskeie sportsoorte soos tennis, atletiek, netbal en swem. Anuschké het vanjaar aan die Wilson-tennistoernooi deelgeneem waar sy ’n tweede plek in die o.11B-afdeling vir meisies behaal het. Sy was in die vierhoek-atletiek-byeenkoms eerste in die afdeling vir o.11-meisies in die 80 m, 100 m en verspring en tweede in gewigstoot en die 70 m-hekkies-item. Sy is ’n sportvrou met talent.
NovaNews WhatsApp Channel is LIVE!
Get the stories that matter, straight to your phone. Click here to join NovaNews on WhatsApp or scan the QR code for instant access.
