Dié groep is goud werd

By die Verenigde Wêreld Karate-federasie van Suid Afrika se nasionale proewe het Boland se topkarateklas bewys dat hulle landwyd die beste is. Hierdie groep spog nou met goud, silwer en brons medaljes vir hul puik prestasie op die mat.

Tydens die span rondes in kata en kumite het die vonke behoorlik gespat.
In alle afdelings van kata en unison het die span goud gewen.
Vir die eerste keer het Boland ook ’n veteraan mans- en vrouespan in gestuur.
Tot almal se verbasing, het die vrouespan dubbelgoud verower en die mans goud in unison kata. Die senior man­span het vir die tweede keer vanjaar met goud weggestap.
Tien van Patrick Ross Karate Akademie is opgeneem in die SA groep om in November aan ’n internasionale toernooi deel te neem. Daar het alreeds 25 lande bevestig dat hulle gaan deelneem.
Saskok het ná afloop van die toernooi amptelik bevestig dat VWKF SA asook volle kontak SA (karate) nou volle erkenning kry.
Shihan Patrick Ross is baie trots op almal wat net hul beste gegee het en het beklemtoon dat harde werk beloon word.