In Maart 2024 was die wêreld geskok om te verneem dat kanker skielik by twee lede van die Britse koninklike familie gediagnoseer is.

Volgens Stephen van Niekerk van Momentum Lewens het dit ’n universele feit beklemtoon – siekte diskrimineer nie en bly ’n bedreiging vir almal, selfs vir koninklikes. Terwyl almal werk vir ’n lang en gelukkige aftrede, moet die vraag gevra word: Is jy finansieel voorbereid vir ’n kritieke siekte?

Mediese vooruitgang is ’n seën wat ons toelaat om langer te leef, al is dit nie noodwendig gesonder nie. Van Niekerk wys egter daarop dat dit ook ’n uitdaging kan bied: Die potensiaal vir stygende gesondheidsverwante koste deur ’n verlengde aftrede. Die vraag word dan: Hoe kan ons strategies beplan vir ons toekomstige gesondheidsbehoeftes sonder om ons aftreespaargeld in gevaar te stel? Per slot van sake behoort ’n lang lewe nie ten koste van finansiële sekuriteit te kom nie.

Die risiko’s verstaan

Soos Van Niekerk uitwys, kan selfs ’n goed beplande aftrede deur kritieke siektes ontwrig word.

Met ouderdom neem die waarskynlikheid om ernstige gesondheidstoestande te ontwikkel, aansienlik toe. In 2023 alleen is meer as die helfte van alle kritieke-siekte-eise van Momentum-lewensversekering aan kliënte ouer as 50 betaal.

“Ons leef ons hele lewens om voor te berei vir ’n rustige en ontspanne aftrede, maar dit is die moeite werd om die risiko’s te verstaan wat ons aangaan namate die tyd aanstap. Ouderdom kom met komplikasies, dus moet ons seker maak ons is gedek,” sê Van Niekerk.